翻過山頭送花 尬意鄉代爭取的路燈 比水溝長的黑暗中 幾陣炸亮田尾 引路的霓虹閃爍 半暝在包菁仔是腳踏車雙載 老芋仔指名的妹仔他媽 國中爬牆批發K仔 便所吃菸喬事 學人作老大 消音器拔起來四處嗆聲 為怎樣光頭白日也會犁田 走急診多過作筆錄 幾年來騎著風神125 當初後照鏡七仔的笑容 攏作伊貼在耶穌 還是越南新娘的身軀 回來山腳工寮 猶原清醒的擱是溫室 金牌浸不熄的菸頭 何時欲啼的雞公 註: 芬園，為彰化縣鄉級單位，作者故鄉 本篇台語書寫採取常見的代用字，若無者特別標註發音 消音器: 媽嗚拉 後照鏡: 巴庫尼啊